Beppe yt se prakt, mei in lyts kûltsje sjú

ús hippe mem hat se net op ’t menu

op skoalle biet ik yn in rau eksimplaar

mar dat wie in stimpel, dus gjin itenswaar

ús heit docht graach tsien dingen tagelyk

it fjoer op fûl, lykas de muzyk

ferjit hy it iten, dan de panyk

de stank yn ’e hûs is manjefyk!

by buorfrou yn de oven mei skyl en al

mei ik net, ik slyn de raande tsiis dan fral

Jint hat in hiel frjemde ierdappelnoas

mar dat, ik wit it, is wer hiel wat oars

Myn favoryt? Ik hâld it koart,

is in grutte pûde patat!