Piet
Paaltjens
Dichter-dominee 1835 - 1894
Fers 74
as ik mei in oere stjerre moast
wat soe 'k noch uthelje wolle?
in lêste brief skriuwe oan har
ôfskied nimme fan in freondintsje
wat regelje foar de bern
nee neat fan dat allegearre
ik wol nei myn dea net regeare
it ret him wol sûnder my
der is neat om glêd te striken
der is my neat yn 'e wei
miskien soe ik even yn 't tún sjen
oft it gers al opkomt
en nei Lemstra rinne om in kroket
dy soe 'k noch wolris ite wolle
Trinus Riemersma 1938 - 2011
Uit: Argewaasje fûn - Argewaasje jûn
Koperative Utjowerij, 1996