Piet
Paaltjens
Dichter-dominee 1835 - 1894
alle jûnen om healwei sânen
sawat alle jûnen seit er
it falt der mar wer goed yn
en ja knikt sy dat koe wol
minder wy hawwe it bêst
se doart de meagere jierren
net yn syn eagen te lêzen
as er de leppel nei de mûle
hyst en sa lang
kôget dat se it ark opkrije wol
de stekfoarken de snijmessen
en slaan, slaan
lûd kletterjend yn it swijen slaan
Margryt Poortstra 1953
Ut: Ferrifeljend glês.
Utjouwerij Fryslân/AFUK 1994