Piet
Paaltjens
Dichter-dominee 1835 - 1894
Wolfeartsteat
As ik oan iten sit te tinken
dan priuw ik bôleguod mei skinke,
as ik oer iten sit te skriuwen
tink ik oan roggebrea mei greauwen,
oan brune beane mei bretspek
oan nije jirpels tink ik ek
oan rikke iel en oan tusearte
oan pankoeken en griene earte;
bananen, sipels, rou of sean,
ik sjoch it sa wol foar my stean.
Mar as ik toarst en honger sis
dan wit ik net wat as dat is.
Tsjits Peanstra 1924
Bron: Neisimmer. Bosch & Keuning nv, Baarn
De Tille, Ljouwert. 1981